Автобуслар хәрәкәте кыскартыла

Башкортстан Башлыгы Радий Хәбиров, республикада коронавирус таралу куркынычы янауга багышланган, чираттан тыш брифинг үткәрде. Анда сүз республикада автобуслар эшчәнлегенә кагылышлы үзгәрешләр турында барды.

«Башавтотранс» автобусларына һәм шәхси пассажир йөртүчеләргә, бүгенге көннән Русия Федерациясенең башка субъектларына пассажирлар йөртүне туктатырга кирәк, дип хәбәр итте Радий Фәрит улы.

Ул шулай ук, якын арада муниципалитетлар арасында пассажирлар ташу санын киметү буенча чаралар күреләчәген билгеләп үтте. Регион җитәкчесе Уфада автобуслар хәрәкәте 20:00 сәгатькә кадәр генә хәрәкәт итәчәген искәртте. Автобуслар санын 50 процентка кадәр киметү дә планлаштырыла.