Русиялеләр өчен нәрсә мөһим?

22 апрельдә Русиядә илнең төп документына кертеләсе төзәтмәләр буенча гомумрусия тавыш бирү үткәреләчәк.

Ватандашларыбызга тәкъдим ителгән төзәтмәләр арасында русиялеләр дәүләтнең медицина хезмәтләндерүен сыйфатлы итүне иң мөһиме дип исәпли (95%). Шулай ук алар балаларны дәүләт сәясәтенең өстенлекле юнәлеше дип тану һәм аларга социаль ярдәм күрсәтүне әһәмиятле дип саный (93%).

Ватандашларыбыз өчен илебезнең уникаль табигый байлыкларын саклау һәм яклау хакындагы төзәтмәләр (92%), адреслы социаль яклау һәм социаль түләүләрнең индексациясе гарантиясе(92%) дә зур мәгънәгә ия. Ел саен пенсияләрнең индексацияләнүе турындагы төзәтмәләр дә шундый ук дәрәҗәдә мөһим (92%).