+30 °С
Облачно
Гәзиткә язылу
Барлык яңалыклар
Җәмгыять
10 март 2020, 23:40

Галимнәр коронавирусның һавада күпме яшәвен ачыклады

Кытай эпидемиологлары һавада COVID-19 вирусының "яшәү вакыты"н ачыклаганнар.

Вирусның ким дигәндә 30 минут һавада яшәве һәм авыру кешедән 4,5 метр ераклыкта башка кешеләрне зарарлый алуы ачыкланган.
Хунань провинциясе галимнәре, автобусның бер пассажиры, тагын җиде кешегә вирус йоктырган очракны җентекләп анализлаган. Медицина битлегеннән башка хәрәкәт итүче ир, 4,5 метр ераклыкта булган кешеләрне һәм тагын берничә пассажирга вирус йоктырган. Киләсе рейска 30 минут үткәннән соң, шушы ук автобуска утырган пассажир да вирус эләктергән. Димәк, вирус кимендә 30 минут яши.
Галимнәр шулай ук төчкергәннән соң яки ютәлдән соң тамчылар утырган өслектә, вирус берничә көн кала, дигән нәтиҗәгә килгән. Шул рәвешле табиблар еш кына кулларны юарга һәм битлек кияргә кирәклеген тагын бер тапкыр расладылар.