Барлык яңалыклар
Җәмгыять
3 март 2020, 17:25

Сибайда урамнарны яктырту мәсьәләсе ничек хәл ителә?

Шәһәр мэры Рөстәм Афзалов бу уңайдан социаль челтәрләрдәге битендә җавап язган.

Бу җәһәттән шәһәр мэры Рөстәм Афзалов үзенең социаль челтәрләрдәге битендә хисап тоткан.
Ул болай дип язган:
“Яктыртуга бәйле проблемалар бездә җитәрлек – алар узган еллардан җыелган. Кайдадыр – яктырткычлар бөтенләй юк яки җитәрлек түгел, кайдадыр – баганалар бар, әмма әлегә лампалар юк. Күрәсең, бу мәсьәләне хәл итү өчен шәһәр бюджеты мөмкинлекләренә туры килмәгән, зуррак акчалар кирәк.
Проблемалар күп, ә аларны хәл итү механизмнары юк иде. 2019 ел борылыш чоры булды – “Башкортстан республикасында торак пунктларны тышкы яктыртуны яхшырту” программасы эшли башлады. Аның кысаларында без былтыр 10,3 миллион сум акча үзләштердек.
Нәтиҗәсе: Төньяк, Көньяк, Аркаим, Балыкчы йорты-2 авылларында тышкы яктыртуның 22,2 километр челтәрен суздык, 674 лампаны алыштырдык һәм урнаштырдык.
Быелга план – Таулы, Алтын, Баеткыч авылларында урымнарны яктырту мәсьәләсен хәл итәргә, 486 лампаны алмаштырырга һәм өстәмә 126 лампа куярга. Булдырырбыз дип ышанам, эш тәҗрибәсе бар.
Программа 5 елга исәпләнгән. Шул вакыт эчендә шәһәребезне якты һәм хәвефсез итәргә тырышачакбыз”.
Читайте нас в