Җылыту озакка бармаячак

Кыска вакытлы җылы һава торышы атна ахырына салкынына алмашыначак, дип хәбәр итә Башгидромет.

Бу көннәрдә Урта диңгез һава массалары йогынтысында һава температурасы төнлә +2,+7, көндез +5,+10 градуска кадәр күтәреләчәк.

Бу һава температуралары гадәттәге күрсәткечләрдән 6-9 градуска югары, ди синоптиклар.

7 ноябрьдә республиканың күп өлешендә яңгырлар явачак. Юлларның аерым өлешләрендә һәм тротуарларда тайгак булачак, аеруча 6 ноябрьдә. Түбән һава басымы белән югары басым каршылыгында көчле җил исүе, давыл көтелә. Мондый һава шартларында күптән түгел яуган кар тулысынча диярлек эреп бетәчәк. 8 ноябрьдә салкын һава фронты үтүе сәбәпле төбәктә һава температурасы түбәнәя башлаячак. Төнлә һәм көндез һава температурасы 0,+5 градус булачак. Республиканың көньягында кар катыш яңгыр явуы күзәтеләчәк. Юлларда бозлавык булуы көтелә.