Барлык яңалыклар
Җәмгыять
8 октябрь 2019, 18:44

Бәдрәфкә? Бушка!

2020 ел алып киләчәк яңалыкларның берсе бу.

2020 ел алып киләчәк яңалыкларның берсе бу.


Русия тимер юл вокзалларында санитар бүлмәләргә кереп чыгу өчен акча түләргә кирәкмәчәк. Илебезнең зур шәһәрләрендә еракка йөртүче 344 тимер юл вокзалы бар. 80 станциядә бәдрәфкә әле үк акчасыз керәләр. Ә 2020 елның 1 гыйнварыннан бер генә тимер юл вокзалында да акча сорап утыручы “кассир” булмаячак. Бу хакта тимер юл вокзаллары дирекциясенең матбугат-хезмәте биргән мәгълүматларга таянып, ТАСС хәбәр итә.


Мондый адымга баруның төп сәбәбе – гражданнарның ризасызлык белдергән күпсанлы мөрәҗәгатьләре. Тикшерүләр нәтиҗәсендә 87 вокзалда әлеге түләүләрнең үз-үзен икътисади яктан акламавы ачыкланган.


Шуннан соң РЖДның имиджын яхшырту, канәгать пассажирлар санын арттыру максатында санитар бүлмәләргә бушка керергә рөхсәт бирергә кирәк дигән карарга килгәннәр.
Читайте нас в