Кул чатыры

Көзге явымлы-төшемле көннәрдә зонт – алыштыргысыз аксессуар. Мөмкин кадәр озаграк сезне салкын яңгырлардан сакласын өчен аны дөрес итеп киптерергә, чистартырга һәм сакларга кирәк.

Көзге явымлы-төшемле көннәрдә зонт – алыштыргысыз аксессуар. Мөмкин кадәр озаграк сезне салкын яңгырлардан сакласын өчен аны дөрес итеп киптерергә, чистартырга һәм сакларга кирәк.

Зонт өстенә кунган тузанны йомшак чүпрәк белән сөртеп төшерергә.

Явым-төшем дә гел генә чиста булмый. Зонтикта су аккан эзләр, пычрак таплар булган очракта, аны сабынлы җылы һәм йомшак щетка я губка белән юарга да, яхшылап чайкатырга кирәк.

Беркайчан да юеш зонтикны төреп, чехолына салып куярга ярамый. Күгәрәчәк. Аны ачылган килеш тә киптерергә ярамый. Чөнки материалы сузыла, ә тимерләре бушая. Шуңа күрә зонтларны җыеп, әмма төрмичә бавыннан элеп куеп киптерергә кирәк.

Ялгыш кына зонтик өстенә майлы әйбер төшереп җибәрсәгез, тапны табак-савыт юа торган чара белән бетереп була.

Тутык эзләрен лимон суты тазарта.

Озак вакытка алып куйганда, аны яхшылап киптерергә, тимерләрен майларга кирәк. Караңгы урында чехол эчендә сакларга.

Читайте нас