Сочида да салкын...

Быел да кайсыбер танышларыбыз әлеге вакытта Сочида ял итә. Ләкин 2019 елның көзе хәтта бу субтропик шәһәрдә дә, башка еллардан аермалы буларак, салкынча тора икән. Мәсәлән, 21 сентябрьдә барып җиткән туганнарыбызны нибары +18 градус җылылык каршы алган. “Диңгездә кемнәрдер су коена, әлбәттә, ләкин безнең өчен су салкынрак”,- дип шалтыратты алар.

22 сентябрьдә исә Сочида соңгы 125 ел эчендә иң салкын температура теркәлгән: градусник нибары +7,+8 градус кына җылылык күрсәткән. Бу рекордлы 1894 ел белән чагыштырганда 1,2 градуска салкынрак дигән сүз.