Русиягә качалар...

Төрекмәннәр аларны туры мәгънәсендә “качкан” дип белдерә. Бүгенге көндә тагын 600ләп төрекмән илдән чыгарга рөхсәт көтә. Шул ук вакытта меңләгән кеше законсыз гына йөк машиналарында, ярымлегаль автобусларда Казахстан аша Русия шәһәрләренә барып җитү юлларын карый.

Илнең башлыгы Бердымөхәммәтов 40 яшьтән яшьрәк булган ил гражданнарына илдән чыгуны тыйган иде. Әмма шуңа карамастан, Русиягә килеп эшкә урнашучылар азаймый, киресенчә, күбәя генә. Русия программалары аларга башта яшәүгә рөхсәт, аннан паспорт алырга мөмкинлек бирә.