Браконьерлар тотылган

Республиканың Экология һәм табигатьтән файдалану министрлыгы инспекторлары Кандракүлдә ике төн рейдта булган. Рейд вакытында, саклык зоналарында тыелган булуга карамастан, ятьмәгә балык тоту белән шөгыльләнгән 9 браконьер тотылган. Моннан тыш, хуҗалары билгеле булмаган 1,2 километр ятьмә, 30 кысла тоту җайланмасы табылган.Инспекторлар кыслаларны суга җибәргән, балыкларны утильләштерәчәкләр, ә ятьмәләр ел ахырында конфискацияләнгән законсыз тоту кораллары белән бергә яндырылачак.