“Пальчики оближешь!” помидорлары рецепты

Банка төбенә укроп (зонтик), петрушка бәйләме, сарымсак (кем күпме ярата) салырга.

Зур помидорларны бүлеп яисә бүлмичә банкага тутырабыз да өстенә боҗралап киселгән суган тезәбез (1 банкага зур булмаган 1 баш суган).

Бигүк кайнар булмаган маринадны помидорлар өстенә коябыз да, 15 минут сулы кәстрүлдә утта стерилизация ясыйбыз (вакытны су кайнап чыкканнан алып исәпләргә). Тимер капкачлар белән ябар алдыннан 3 литрлы банкага 3 аш кашыгы көнбагыш мае тамызабыз.

3 литр суга 3 аш кашыгы тоз, 7 аш кашыгы шикәр, 4-5 данә хуш исле борыч, 4-5 данә кара борыч (борчагын), 4-5 данә гвоздика, 4-5 данә дәфнә (лавр) яфрагы, стаканның ¼ өлеше 9% аш серкәсе салабыз. Кайнап чыккач, бераз суынгач помидорлар өстенә коябыз.

#Өметрецептлары