Бөкеләрдән котылдык!

Уфаның төньяк өлешен Бирск тракты белән тоташтырган Тимашево юлы ачылып, кулланышка тапшырылды. Ул 2016 нчы елда төзелә башлаган иде. Төзелешкә 1 миллиард сум акча бүленде.

“Әлеге туры юл булмаганда, юл йөрүчеләргә сәгатьләр буена “бөке”дә утырырга туры килә иде. Ниһаять, ул төзелеп бетте. Башкалабызда бик күп күперләр һәм юл әйләнмәләре төзисе бар әле”, - дип чыгыш ясады Башкортстан Башлыгы вазифасын вакытлыча башкаручы Радий Хәбиров.