Аномаль салкын җәй. Синоптиклар башкача җылытмаячак ди

Августның алдагы көннәрендә Уфада һава торышы шундый ук салкын булачак. Синоптиклар эссе түгел, җылы көннәр дә вәгъдә итми. Мәсәлән иртәгә, 6 августта, температура иң күбе +15 градус булачак, кыска вакытлы яңгырлар көтелә. 7 августта иң югары температура +16 дип вәгъдә итә синоптиклар, 8 августта бераз “җылырак” – (+19) градус. Августның киләсе көннәрендә көндез һава температурасы югарыда язылган күрсәткечләрдән әллә ни артмаячак, диләр синоптиклар.

Җитмәсә, көн саен яңгыр явуы ихтимал – кыска вакытлыдан алып койма яңгырларга кадәр.

Менә сиңа җәй!.. Җәйге күлмәк-итәкләрегезне алып куегыз инде, җәмәгать. Кирәге чыкмастыр.