Бүген-иртәгә эссе булачак

Башгидромет мәгълүматлары буенча, бүген, 20 июльдә, урыны белән кыска вакытлы яңгырлар, кайсыбер районнарда яшен, җилнең көчәюе көтелә. Һава температурсы 24-29 градус эссе булачак. Ә көньяк-көнчыгышта 34 градуска кадәр җитүе көтелә.

Якшәмбе, 21 июльдә республика буенча урыны белән кыска вакытлы яңгырлар фаразлана. Һава температурасы төнен – 12-17 градус, көндез 22-27 градус булачак. Ә көньяк-көнчыгышта 30 градуска күтәреләчәк.

Көннәр эссе тору сәбәпле, янгыннар хәвефе арта. Игътибарлы булыйк.