Каринэ Хәбирова гаиләсе турында сөйләде

Республика җитәкчесенең тормыш иптәше Каринэ Хәбирова Бөре шәһәрендә үткән Гаилә, мәхәббәт һәм тугрылык бәйрәмендә гаилә кыйммәтләренең әһәмияте турында сөйләде.

“Безнең гаиләдә төп традиция – зур гаиләбез белән бергә җыелу. Гаилә – ул ир белән хатын һәм балалар гына түгел, ә картәни, картәти, туган апа-абыйлар да. Алар барысы да – зур гаиләнең вәкилләре. Барысын да күрергә теләү, барысына да күңел җылысын өләшү, шатлыклар белән уртаклашу – менә шулар безнең гаиләбезнең төп гореф-гадәтләре”, – диде ул.

Каринэ Хәбирова әйтүенчә, аның тормыш юлдашы – ышанычлы таяныч һәм гаиләнең яклаучысы, шул ук вакытта ул яхшы, йомшак күңелле, яраткан ир һәм әти.