Ә хатынны барыбер тапмаганнар

Русия Президенты Владимир Путин “Туры элемтә” барышында югалган записка тарихын телгә алган иде

“Россия 1” телеканалының “Мәскәү. Кремль. Путин” тапшыруында Путинның пресс-секретаре Дмитрий Песков әйтүенчә, Путинга записканы биргән хатын табылмаган. Монардан тыш, ил башлыгы шәхсән мөрәҗәгать итүчеләргә бер вакытта да битараф калый, халык белән ачыктан-ачык сөйләшү, ихластан җавап бирү, проблеманы хәл итү максатына ирешә торган кеше, дип белдерде. Исегезгә төшерәбез,“Туры элемтә”дән соң мондый хәбәр язылып чыккан иде: “Эш сәфәрләренең берсендә төнлә машинасына таба атлаганда Путинның каршысына өлкән яшьтәге бер апа килә. Якын ук килә һәм президент алдында тезләнә, аңа кәгазь кисәге суза. Президент мотлак рәвештә аның үтенечен караячагын вәгъдә итә. Әмма вәгъдәсен үти алмый.

"Алдым. Ярдәмчеләргә бирдем. Ә алар югалткан. Ничәмә еллар үтте. Ә шушы вакыйга һаман күз алдымда", - дип сөйләде Путин.

Ул аңа әле дә оят булуын, шуңа да барлык мөрәҗәгатьләрне "тулысынча" хәл итәргә тырышуын әйтте.