Исерек килеш авария ясаучыларга җәзаны катгыйлаттылар

РФ Президенты Владимир Путин исерек килеш руль артына утырып юл һәлакәте ясаучыларга карата җәзаны кырыслатты.

Әгәр дә исерек водитель аркасында юл-транспорт һәлакәтендә кеше авыр тән җәрәхәте алса, водительне – 3 елдан алып 7, әгәр дә бер кеше һәлак булса – 5 елдан алып 12, ике һәм күбрәк кеше һәлак булган очракта 8 елдан алып 15 елга кадәр ирегеннән мәхрүм итү карала.