Елмаеп алыйк әле!!!

- Ә шулай да интернет беркайчан да гәзитне алыштыра алмаячак.

─ Нишләп?

─ Ә син ноутбугың белән битеңне каплап йоклап кара!

Колхоз рәисе силос чокырына егылып төшә. Аны бер колхозчы тартып чыгара. Рәис:

─ Кара аны, минем монда егылып төшкәнне беркемгә дә әйтәсе булма.

Колхозчы:

─ Сез дә минем тартып чыгаруым турында кешегә сөйләмәгез инде.

Беренче очрашу. Гашыйк егет каушый-каушый гына сөйгәненә сорау бирә:

─Ә миңа кадәр синең малайларың булдымы?

─Юк, булмады. Ике кызым гына бар, алар авылда ─

әбиләре янында.

Чәчтарашта:

─ Иллә мәгәр башта инде үзегездә!

─ Бар инде бар, ике институт бетердем бит!

─ Миңа димәгәе, хет унны бетер, әмма башны айга бер мәртәбә булса да юарга кирәктер бит!

─ Доктор, миңа инде 80 яшь, ә үзем һаман кызлар артыннан чабам…

─Ник, бик шәп бит инде бу -!

─Бәлки шәптер дә, ләкин мин ни өчен чабуымны исемә төшерә алмыйм…

─ Узган ел Фатыйма апа туган көнемә 1000 мең сум акча җибәргән иде. Мин аңа: «Рәхмәтләремне белдерергә сүз таба алмыйм»,─ дип хат яздым. Һәм быел нәрсә булды дисең? Быел ул миңа 3 томлы аңлатмалы сүзлек җибәргән.

Бер хатын иренә:

-Яннарыннан үткәндә нигә миңа этләр өрә икән?-дип зарлана.

Ире:

-Этләр ят этләрне ерактан сизәләр, шуңа өрәләр,-дип җавап биргән ди.

Бер карт русча шәп белүе белән мактана икән.

-«Исполняющий обязанностей директора неполный средней школы»,дигәнне ничек тәрҗемә итәләр?-дип сораганнар.

-Бик җиңел ул. Тулыр-тулмас мәктәпнең булыр-булмас дирек-

торы,- дип, шартлатып җавап биргән тегесе.

Тренировка вакытында бер вертолет егылып төшә. Аны эзләү эшләре белән шөгылләнүчеләр автомобиль белән, кулына рогатка тоткан малай янына килеп туктый.

-Улым , -ди аңа офицер, -син вертолетның кая төшкәнен күрмәдеңме?

-Юк, -ди малай, куркып, рогаткасын кесәсенә яшерә, -мин каргаларга гына аткан идем.

Э.Ибраһимова җыйды.