Әнвәр Нургалиев сәхнәдәш дустына яман чирне җиңәр өчен ярдәм итүне сорый

Җырчы Әнвәр Нургалиев социаль челтәрдәге язылучыларына ярдәм сорап мөрәҗәгать иткән.

Аның сәхнәдәш дусты, искиткеч вокалчы, музыкант-виртоуз, Башкортстанның халык артисты, Татарстанның атказанган артисты Айрат Халиков яман шеш белән көрәшә икән. «Ул бик каты авырып китте. Аңа ярдәм кирәк. Дарулар бик кыйммәт. Кемнең хәленнән килә, изге айда ярдәм итик. Бик талантлы егетебез, читтә калмасагыз иде. Аңа чиргә каршы көрәшергә ярдәм итик», – дип сөйли Әнвәр Нургалиев, кинәт мәкерле чир белән очрашкан артистның видеоларын куеп. Ул шулай ук, ярдәм күрсәтү өчен, Айратның һәм аның тормыш иптәшенең карта номерларын да калдырган.  

Айратның җырлаганын монда кереп тыңлый аласыз.