Шаран районына «Битва экстрасенсов» йолдызлары килгән

Бүген Уфа аэропортында уфалылар «Битва экстрасенсов» йолдызларын күргәннәр.

Билгеле булуынча, алар Шаран районына чираттагы тапшыру төшерү өчен килгәннәр. Алар Туймазыдагы "Отдых" кунакханәсендә яшәячәкләр. Анда Виктория Райдес, Александр Шепс һәм Артем Красновны халык танып, бергә фотога төшкәннәр.

"Битва экстрасенсов" йолдызлары кара көчләр идарә иткән бер авылда эшләячәкләр. Урындагы халыкның сүзләренчә, бу авыл бәхетсез икән, балалар монда еш үлә, эчкечелек көчле һәм аңлашылмаслык мистик күренешләр дә күп була икән.